RUNICAE

RUNICAE
dictae sunt priscae Danorum et Gothorum literae, quod essent mysticae et occultae, Sacerdotalium illa rum Aegyptiacarum instar, quas in simulacro Canopi, Antverpiam aliquando allato, Goropius exhibet, Hieroglyph. l. 7. p. 109. Nec vulgatum olim nomen, Runica: Hinc Isidorus Chron. Goth. sub Aera 45. dicit, Galifilam eorum Episcopum, Gothicas literas (non Runicas) invenisse: sed dum idem subiungit, ipsum etiam Scripturas sacras in eandem linguam convertisse: ansam videatur praebuisse, cur dicerentur Runicae, scil. quod rebus sacris, msticis et occultis conservandis essent iam adhibitae. Praeterea Runicae nuncupentur, sive mysticae et occultae, tum quod ab aliarum gentium literis mirâ discrepant insolentiâ, tum quod in occultis suis scientiis, putâ magicis et praestigiatoriis, quibus Borealis ista mundi pars prae ceteris pollet, huiusmodi literae et characteres maxime claruêre. Dicantur et perinde harum literarum et scientiarum professores Runici, quasi Mystagogi: habeanturque iidem apud Danos et Gothos, qui Britannis ac Gallis Druides: Magi apud Persas: Gymnosophistae apud Indos, et in quavis pene gente similes. Origo vocis est a Saxonico ryne, quod mysterium et rem occultam denotat, Henr. Spelmann. in Glossar. Archaeol.

Hofmann J. Lexicon universale. 1698.

Look at other dictionaries:

  • CAMISIA sive CAMISIUM — CAMISIA, sive CAMISIUM prima vestium sacrificalium, linea tunica talaris: quae quod ad talos pertingerer, Poderis. Graece ποδήρης, a colore Alba dicta est; ipsa vero a Camis nomen accepit, de quibus vide supra, in voce Camae. Fuisse strictam et… …   Hofmann J. Lexicon universale

  • RUNAE — teste Olaô Wormiô, in Monumentis Danicis, p. 514. et 523. in Literatura Runica, c. 3. et in Fastis Danicis, l. 1. c. 1. et l. 3. c. 3. literae Danis dictae sunt, figurarum ductibus a coeteris discrepantes; quarum quibusdam ad res gestas… …   Hofmann J. Lexicon universale

  • VENTRALIA — vestimenta contegendo Ventri, forte eadem cum Semicinctiis quod vide: memorantur Plinio, l. 8. c. 48. Gausapae Patris mei memoriâ coepêre, Amphimalla nostrâ, sicut villosa etiam Ventralia. Glossae, Ventrale Iutisconsultis zona, crumena, quam et… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.